Бурни времиња” ја зафатија и Македонија, ги омекнаа нашите срца, a успеаја да извлечат од нас и по некоја солза. Не вратија во далечните шеесети години од минатиот век, кога животите на едно патријахално семејство драстично се смениле.
Дејството на серијата се одвива во местото Зејрек, кое е под заштита на УНЕСКО поради што подготовките за самото снимање биле макотрпна работа и траеле цела година. Оваа локација е целосно реставрирана, а за да се долови таа 1967 година биле направени и анализи за да се најде товарен брод кој се користел во тоа време. Бродот кој е дел од оваа драма бил во сообраќај во 1965 година на релација Турција-Америка. На пристаништето Сарајбурну за прв пат бил закотвeн ваков товарен брод кој потекнува од тој период, па за оваа ситуација била потребна и посебна дозвола од Министерството за транспорт.Изминативе денови на ТВ Сител можевме да ја видиме последната трагедија која го зафати ова семејство. Пожарот во нивната куќа се одвива во само неколку епизоди, но за потребите за снимањето на овие сцени морало да се изгради друга идентична куќа. За да се зачува историското ткиво на Зајрек, во изградбата на лажната куќа биле потрошени 11 тони челик, инвестирале четири фирми, а изградбата траела 15 дена. Сцените кои имавме можност да ги погледнеме овие денови биле снимени за само 3 дена, а напорите кои биле вложени за тоа биле огромни. Асфалтираните улици биле покриени со калдрма, прозорците на околните куќи биле променети во прозорци кои биле автентични за тој период. Исфарбани биле 51 куќа а 9 биле целосно реставрирани. Се потрошиле 2 тона боја,а на тоа работеле 24 мајстори.За снимање на серијата биле користени над 100 возила автентични за 60-тите години. Исто така е користено едно старо амбулантно возило, едно полициско возило како и едно затворско.“Бурни времиња” била причината поради која се отвориле две простории за декорација и едно атеље за костими. Биле сошиени дури 500 костими, се купиле 2054 вида на облека и се искористила ткаенина од 2400 метри.
Најмалата и најпикантна личност во серијата Осман, Емир Берке Зинџиди е избран од 200 деца кои конкурирале за серијата. Малиот Емир претходно има учествувано во голем број реклами, а има само 5.5 години. Прв пат зема улога во една серија, затоа со него работат еден искусен актер и еден педагог.
Нема коментара:
Постави коментар